LA MUSICA "SCOMODA" DI SARA VELARDO

‘NDRANGHETA

‘Ndranghi ndranghi ‘ndranghita ‘ndranghi ndranghi ‘ndranghita

‘U me’ paissi ‘ffaccia propriu supr’ o’ mari

‘i so’ tramunti i viri e non t’i po’ scurdari

Eppuru c’è genti chi parra mali,

chi dici chi voli cangiari,

chi ‘i ‘sta manera non si poti stari.

(‘ndranghi ndranghi ‘ndranghita ‘ndranghi ndranghi ‘ndranghita )

‘A me’ famigghia è tutta sutta protezioni,

mi basta sulu mi mi fazzu ‘i cazzi mei,

se cari ‘na bumba ieu mi canzìu,

mi giru ‘ill’atra parti,

fischiu e cantu e baru mi passìu.

(‘ndranghi ndranghi ‘ndranghita ‘ndranghi ndranghi ‘ndranghita )

C’è ‘u commissariu chi passìa,

‘u Sindicu chi passìa,

‘u vigili chi passìa,

e mi nd’havi a futtiri a mia?

Se ‘n cunu stortu sa niscìu

ca non voli cchiù pagari,

ca si voli ribellari

e mi nd’havi a futtiri a mia?

Se ‘sti quattru comunisti

chi pigghiaru quattru voti

iru inchendu testi

cu paroli e cu protesti…

‘U cchiù pi centu euru o’ misi

cu tutti ‘i sordi chi si faci…

e mancu nu scontrinu fici

e poi mi rici ch’esti nda ‘na cruci.

(‘ndranghi ndranghi ‘ndranghita ‘ndranghi ndranghi ‘ndranghita )

‘U me’ paisi esti ‘n’isola felici,

‘chì ‘mmazzatini ccà ndi nui non si ndi faci,

ogni tantu pigghiunu a ‘n cunu

chi era latitanti

e ‘u conzunu p’i festi e i lavuranti.

(‘ndranghi ndranghi ‘ndranghita ‘ndranghi ndranghi ‘ndranghita )

Non haiu lavuru ma m’arrangiu comu nenti,

se haiu fami vaiu e mangiu nde parenti,

non mi pozzu lamentari,

tu non mi toccari,

mi iettu supra ‘a riva e guardu ‘u mari.

(‘ndranghi ndranghi ‘ndranghita ‘ndranghi ndranghi ‘ndranghita ).

- See more at: http://www.malanova.it/2013/07/13/la-musica-scomoda-di-sara-velardo/#sthash.ssDKBWVs.dpuf